فيديو اغنية رح قوم رح أصرخ

"قرفنا تمييز، تحرّش، تعنيف،
أنا مش من ضلعك أنا متلي متلك ! " صرخة أطلقتها مجموعة من النساء من مختلف
الاختصاصات والخلفيات تطوّعن لإنتاج وتصوير أغنية "رح قوم رح أصرخ" التي
لمسن فيها ما يعبّر عن مشاعرهنّ وسخطهنّ اتجاه العنف اليومي الذي يتعرّضن له
كنساء. وبالتنسيق مع منظمة "كفى عنف واستغلال"، نُفّذت هذه المبادرة
المميّزة ضمن حملة تشريع حماية النساء من العنف الأسري استكمالًا للخطوات الرامية
إلى تسليط الضوء على التمييز والعنف ضد المرأة، وبموازاة المساعي المستمرّة ضمن
الحملة لإقرار مشروع قانون حماية النساء من العنف الأسري. كما هدفت هذه المبادرة
إلى إشراك عدد أكبر من الناس وإعطاء مساحة لعدد من النساء للمشاركة في الحملة على
طريقتهم/نّ الخاصّة أردنها هذه المرّة طريقة ملهمة ومصدر أمل ونجاة.



شكر كبير إلى كلّ المتطوّعات/ين وخصوصاً المخرجة الناشطة وفاء حلاوي، وشركة
الإنتاج "وهم Wahm
productions"،
والممثّلة الموهوبة ندى أبو فرحات، والناشطة سوار روحانا، ومصمّم الرقصة ألكساندر
بوليكيفيتش وجميع المشاركات/ين !!



كلمات الأغنية:



بفتح عينيّي اليوم

بضحك وبغنّي

ما عاد الخوف رابطني

رح إحكي ورح علّي الصوت



رح قوم، رح أصرخ، رح ثور.



فينا كلنا نعيش بعالم غير

في أمن وفي حريّة

لا ظلم لا اغتصاب لا استغلال

نحنا مش لحدا، نحنا النساء


أنا منّي ملكك، هاي ياني بوجّك،

أنا مش مخفية، انا مرا قوية،

هي أول مرة بحسّ بقلبي عم ينبض،

ينبض حياة، وحب، وحرية


بصرخ كرمال الثورة

بصرخ : المرا مش عورة

بصرخ ضدّ الوجع

بصرخ من دون فزَع

بصرخ لأني حرّة

و ما بدي حياة مرّة

بصرخ لسمّع صوتي

بصرخ لغيّر قدري، يلّا يلّا لغيّر قدري

رح قوم، رح أصرخ

شو هالمجتمع اللي نحنا في، ما عنّا قانون يحمينا

قرفنا -تمييز -تحّرش -تعنيف

ما حدا رح بيسكّتنا


أنا هيدا جسمي، وجسمي بخصّني

وفّر أعذارك، لأ مش قرارك

أنا مش من ضلعك، أنا متلي متلك

إنسانة حرّة، حرة وقوية


بصرخ كرمال الثورة

بصرخ : المرا مش عورة

بصرخ ضدّ الوجع

بصرخ من دون فزَع

بصرخ لأني حرّة

و ما بدي حياة مرّة

بصرخ لغيّر قدري، يلّا يلّا لغيّر قدري



....